Набліжаны да сілавікоў тэлеграм-канал апублікаваў відэа з затрыманым 36-гадовым мінчуком за выказванні ў чат-рулетцы.
На відэа паказаны дыялог затрыманага беларуса з дальнабойшчыкам Юрыем Комарам у чат-рулетцы. Мінчук кажа, што не ўдзельнічаў у пратэстах. «Дайце мне аўтамат і я б выходзіў на мітынгі зусім па-іншаму», — казаў ён.
На пытанне навошта затрыманаму аўтамат, мінчук адказаў, што, напэўна, быў бы супраць урада.
У якім статусе знаходзіцца затрыманы і ў чым яго абвінавачваюць — невядома.
Юрый Комар — дальнабойшчык з Капыльскага раёна. У чат-рулетцы ён прадстаўляўся жыхаром Украіны, а беларусы распавядалі яму пра сваё стаўленне ўладам.
У студзені 2023 года затрымалі як мінімум восем беларусаў, якія размаўлялі з Комарам.
Чытайце таксама:
Пасля размовы з правакатарам у чат-рулетцы за словы падтрымкі Украіне затрымалі расіяніна
