Нота пратэсту была ўручаная часоваму паверанаму ў справах Беларусі Яраславу Хмылю. У ёй быў «выказаны рашучы пратэст» у сувязі з заявамі старшыні КДБ Беларусі Івана Церцеля, зробленымі на Усебеларускім народным сходзе 25 красавіка пра нібыта пагрозы для Беларусі, «якія зыходзяць з Літвы, у тым ліку пра нібыта ўдары вайсковых беспілотнікаў з тэрыторыі Літвы па аб’ектах на тэрыторыі Беларусі і іншыя падобныя бяздоказныя інсінуацыі».
У літоўскім МЗС падкрэслілі, што «такія заявы прадстаўнікоў беларускага рэжыму не маюць нічога агульнага з рэчаіснасцю», і запатрабавалі ад МЗС Беларусі неадкладна абвергнуць дэзынфармацыю.
Таксама ў ноце было пацверджана, што Літва прыме ўсе магчымыя меры для забеспячэння сваёй бяспекі, суверэнітэту і тэрытарыяльнай цэласнасці.
Чытайце таксама:
Церцель заявіў, што КДБ прадухіліў удары літоўскіх беспілотнікаў па Мінску
У Кіеве пачалі эвакуацыю дзвюх бальніц з-за выказвання Церцеля
«Кіберпартызаны» адказалі Церцелю: Мы ніколі не планавалі атаку на БелАЭС
